En l'elecziun decisiva ha Petr Pavel survegnì 57% da las vuschs ch'eran fin uss dumbradas. Cun quai pudess el esser il victur da l'elecziun dal president u la presidenta en la Tschechia.
Petr Pavel, ch'è anteriur general da la NATO, ha sa posiziunà cleramain cunter la Russia: «La Russia duai perder en l'Ucraina», er cun l'agid da la Tschechia, ha el ditg. Andrej Babis, anteriur primminister, è percunter stà per discurs cun la Russia.
Las elecziuns en la Tschechia han gì in'auta participaziun da la populaziun, bunamain 70% ha sa participà. E quai, er sch'il president ha plitost la funcziun da represchentar il pajais. Il primminister è percunter il manader da l'executiva dal pajais.