Duas persunas sparidas e tschients chasas inundadas: Quai è la bilantscha intermediara suenter ferma plievgia en la Frantscha dal Sid. En il departament Var han las autoritads tschertgà la sonda in um confus da 77 onns ed ina dunna ch'è crudada ord ina bartga da salvament.
4000 chasadas èn stadas senza forza electrica. Pervi da las inundaziuns èn bleras vias betg pli stadas traversablas. Il traffic cun il tren ha stuì vegnir interrut parzialmain. Il traject dal tren tranter Saint-Raphaël e Toulon è vegnì bloccà ed il traject da la Côte d'Azur, al cunfin cun l'Italia, è interrut almain fin dumengia.
Pli aut stgalim d'alarm
En ils departements Var ed Alpes-Maritimes han las autoritads da l'aura proclamà il pli aut stgalim d'alarm. Pervi da las malauras eran 1'600 forzas da salvament en acziun. A Var han tschients da persunas stuì bandunar lur chasas. A han ins purtà 600 persunas en salvament. A Fréjus han ins evacuà chasas ed in campadi.
RTR novitads 06:00