Siglir tar il cuntegn

Header

Alexis Tsipras durant ses pled avant il parlament d'Europa.
Legenda: Alexis Tsipras ha danovamain sincerà da sa tegniar vid las refurmas pretendidas. Keystone
cuntegn

Exteriur Tsipras cumbatta cun il parlament d’Europa

La Grezia ha tschentà ina nova dumonda per in credit da 3 onns al fond d’agid europeic ESM. Sias propostas concretas vul la regenza preschentar la gievgia.

Il primminister Alexis Tsipras ha ditg che la Grezia veglia cuntinuar cun las refurmas pretendias. Il pievel saja però arrivà a la fin da sia forza. Nagliur sajan ils programs da spargn stads uschè rigurus sco en Grezia. Ils partenaris da la gruppa da l’Euro han dà temp a la Grezia da preschentar schliaziuns per crisa fin la gievgia. Autramain smanatscha la sortida da la zona da l’Euro.

Gista repartiziun dals burdis sin la populaziun

La finamira d'in nov program d'agid stoppia esser da reparter pli gist las grevezzas per la populaziun. Lavurers e pensiunads na possian betg acceptar ulteriurs burdis, ha ditg Tsipras. Ils programs d'enfin uss sajan stads en favur da las bancas. Plinavant n’hajan quels programs betg meglierà la funcziunalitad dal stadi.

RR novitads 11:00 / 20:00

Artitgels legids il pli savens

Scrollar a sanestra Scrollar a dretga