Siglir tar il cuntegn

Exteriur Tsipras preschenta novas propostas

In di avant l'inscunter da crisa dals ministers da finanzas da l'euro, ha il schef da regenza da la Grezia Alexis Tsipras preschentà sias propostas per ina schliaziun da la crisa da daivets.

alexis tsipras
Legenda: Alexis Tsipras haja declerà sias propostas en in telefonat cun la chanceliera tudestga Angela Merkel. Keystone

Tsipras ha explitgà sia posiziun en in telefonat cun la chanceliera tudestga Angela Merkel. Plinavant ha Tsipras telefonà cun il president da la Frantscha François Hollande e cun il schef da la cumissiun da l'UE Jean-Claude Juncker.

Sche Tsipras è s’occupà da las pretensiuns dals crediturs davart ulteriuras mesiras da spargn e da refurma è anc avert. Tenor in rapport da gasetta ston ils pensiunads grecs ed emploiads dal stadi spetgar che lur rentas per il zercladur na vegnian betg pajadas or dal tut. Pervi da pli paucas entradas da taglia mancan a la Grezia sin la fin dal mais 3,6 milliardas euros.

RR novitads 18:00