Siglir tar il cuntegn

Header

cuntegn

Exteriur Tsipras stat avant la proxima prova

La regenza greca spera da dumagnar sut tetg las contractivas davart in nov pachet d'agid aifer in mais. Mesemna votescha il parlament davart in ulteriur pachet da refurmas, ch'è la cundiziun per contractivas cun ils crediturs internaziunals.

Questa giada vai per ina lescha davart la modernisaziun dal sistem da giustia e dals fatgs da banca. Gist suenter questa votaziun veglia la regenza prender si ils discurs cun ils crediturs, ha communitgà ina pledadra da la regenza greca. La data da conclusiun saja ils 20 d’avust.

La votaziun pudess daventar ina proxima prova per la regenza d’Alexis Tsipras. Gia l’emna passada aveva el stuì guardar tiers co che 39 represchentants da la partida avevan vuschà cunter las refurmas da las rentas e l’augment da la taglia sin la plivalur.

Il pledader da la fracziun dal parlament Syriza, Nikos Filis, ha smanatschà envers il radio, che sch'els na survegnain betg almain 120 vuschs, na vegnian els betg a pudiar reger uschia vinavant.

RR novitads 15:00

Artitgels legids il pli savens