La cumissiun da l’Uniun europeica quinta che la nova regenza greca cuntinueschia cun il curs da refurmas, uschia il vicecumissari da l’UE, Valdis Dombrovskis.
Impurtant saja che la regenza sa furmia spert e confermia da vulair sa tegnair vid il pachet da refurma.
Els veglian cuntinuar las tractativas cun ils crediturs internaziunals, e la dumonda dals daivets haja la pli auta prioritad, ha ditg in represchentant da la partida da Tsipras la Syriza.
Enfin uss n’era ina reducziun dals debits anc betg in tema tar ils donaturs. E la regenza tudestga lascha savair ch’ella spetgia che las refurmas en connex cun la crisa da daivets vegnian realisadas sco prevesì.
Gia il proxim mais vegnan las refurmas da la Grezia controlladas da l’UE, dal Fond monetar internaziunal e dal Fond d’agid europeic ESM. Las refurmas èn ina pretensiun per l’agid finanzial dad 86 milliardas euros.
