Las attatgas da terror a Paris e Brüssel ils mais passads han consequenzas gravantas per il turissem. Sco quai che differentas agenturas da novitads scrivan sajan las svieutas dals hotels en la regiun enturn Paris sa reducidas questa stad per radund 15% cumpareglià cun la stad passada.
Hotels chars a Paris stoppian schizunt quintar cun fin 40% damain entradas.
A Brüssel era ils hotels occupads l'avrigl per 53,9%, in minus da passa 2%. Las svieutas dals hotels en la chapitala beltga èn uschia sa reducidas questa stad per radund 20 %.
RR novitads 18:00
sda/hs