Exteriur - Turists sentan las refumas da la Grezia
A partir dal 1. d’october auza la Grezia la tariffa da la taglia sin la plivalur sin 6 da las pli popularas inslas da vacanzas. Per Santorin, Mykonos, Rhodos, Naxos, Paros e Skiathos vala a partir da gievgia las tariffas usitadas da maximalmain 23%.
Il fanadur 2016 vegnan lura ils privilegis da taglia d'ulteriuras inslas stritgadas, communitgescha il ministeri da finanzas ad Athen. Cunquai ademplescha il pajais ina da las pretensiuns centralas dals crediturs internaziunals. Quels avevan adina puspè crititgà ils privilegis da taglia da bleras inslas grecas.
