Siglir tar il cuntegn

Header

cuntegn

Exteriur Tusk avertescha da ruptura aifer l'UE

Donald Tusk, il president dal cussegl da l’UE, ha avertì d’ina ruptura aifer l’UE sche la Gronda Britannia na faschess betg pli part da l’allianza. Il ristg d’ina sfessa aifer l’UE saja real, ha ditg Tusk a chaschun d’in inscunter cun il president da la Rumenia, Klaus Iohannis.

Il president dal cussegl da l'UE Donald Tusk ha avertì d'ina decadenza da l'Uniun europeica. Quest ristg saja real en vista a la crisa da fugitivs.

Ina sortida da la Gronda Britannia or da l'UE, l’uschenumnà «Brexit», saja pussaivel. I saja uras dad era tadlar ils arguments da la cuntrapart e betg mo ils agens, ha accentuà il politicher polac.

Tusk è actualmain en viadi tras l'Europa per far reclama per las propostas da l'UE. Cun questas propostas vul l'UE vegnir encunter als critichers britannics da l'UE.

RR novitads 06:00

Artitgels legids il pli savens