Siglir tar il cuntegn
cuntegn

Exteriur Tuttina anc decleraziun finala dals G20

Il segund di da l'inscunter han ils schefs da stadi e da regenza dals stadis G20 a Buenos Aires decidì ina decleraziun da collavurar anc dapli sin plaun internaziunal. Ina decleraziun plitost generala.

merkel e trump en discurs
Legenda: La chanceliera federala tudestga Angela Merkel ed il president american Donald Trump en discurs. Keystone

En la decleraziun dad 8 paginas sincereschan ils 20 stadis da collavurar. Ils temas da stgarpitsch sco per exempel commerzi, clima e migraziun tractani bain era, però en furma pli generala. La cunvegna centrala è tenor la chanceliera federala tudestga Angela Merkel che tuts veglian ina refurma da la WTO – l'organisaziun mundiala da commerzi. La regenza americana ha laschà communitgar d'esser cuntenta ch'ils G20 concedian ch'i dovria talas refurmas tar la WTO.

L'inscunter dals G20 è stà dominà surtut da discurs bilaterals a l'lur. Sco per exempel la chanceliera federala tudestga Angela Merkel ch'è s'inscuntrada cun il president russ Wladimir Putin ed il president american Donald Trump. Cun tensiun vegn spetgà ils resultats dal discurs da Trump cun ses collega chinais Xi Jinping. Tut che spera che la situaziun sa calmia en il cunflict da commerzi american-chinais.

RR novitads 20:00