Siglir tar il cuntegn

Exteriur Tuttina damain dollars per cumbatter il virus da Zika

En ils Stadis Unids ha la chombra dals represchentants concedì bun 600 milliuns dollars per cumbatter la derasaziun dal virus da Zika. Damain che Obama ed il senat avevan pretendì.

mustgins
Legenda: Ils mustgins 'aedes aegypti' che transfereschan il virus da Zika privlus surtut per uffants anc na-naschids. Keystone

Ils 600 milliuns dollars che la chombra dals represchentants conceda èn in bun toc damain che las 1,9 milliardas ch'il president Barack Obama ed il senat avevan pretendì.

Cumbat da partidas

La chombra dals represchentants, dominada dals republicans, va uschia sin confruntaziun cun la regenza d'Obama. Quella aveva smanatschà cun il veto, perquai che 600 miliuns sajan bler memia pauc.

Il virus da Zika vegn dà vinavant da mustgins ed il contact sexual. El po effectuar grevs donns da naschientscha.

RR novitads 06:00