Elon Musk, il fundatur e schef da Tesla, ha surprendentamain communitgà ch'el pondereschia da privatisar Tesla tar in curs da 420 dollars per aczia. La finanziaziun saja garantida, uschia Musk vinavant.
En consequenza han ils martgads reagì a moda vehementa. Temporarmain ha il commerzi cun l'aczia da Tesla schizunt stuì vegnir interrut.
En in scriver als collavuraturs ha Musk communitgà silsuenter che quai na saja però anc betg ina decisiun definitiva. El craja dentant ch'i fiss la meglra schliaziun.
RR novitads 06:00