Siglir tar il cuntegn
Inhalt

Exteriur Twitter ha bloccà aifer dus mais 70 milliuns contos

Ils ultims mais ha Twitter serrà mintga di passa in milliun contos d'utilisaders. Cun quest pass veglia il servetsch da novitads curtas american reducir ch'i vegn derasà infurmaziuns falladas, scriva la gasetta Washington Post.

icona da Twitter sin in telefonin.
Legenda: Tenor la Washington Post ha Twitter stizzà il matg ed il zercladur passa 70 milliuns contos. Keystone

Autoritads e deputads avevan avertì Twitter ed autras raits socialas da far dapli en questa direcziun. Ils concerns han gia stizzà contos d'utilisaders, installà updates ed examinà cuntegns. Tenor la Washington Post ha Twitter stizzà il matg ed il zercladur passa 70 milliuns contos. E cun quest trend hajan els cuntinuà l'entschatta fanadur.

RR novitads 12:00