Cun il pajament chalan plirs stadis federativs americans d'intercurir manipulaziuns vi dals tschains libor, sco las autoritads americans communitgeschan. Perquai ch'ella aveva manipulà ensemen cun autras bancas il libor ha la UBS gia pajà ils davos onns passa 1,5 milliardas francs ad autoritads americanas ed europeicas.
Manipulaziuns na vegnan betg toleradas
A las davosas retschertgas eran procuraturs generals da 40 stadis federativs americans da la partida. Quels eran avant sa cunvegnids cun instituts da daners sco Barclays, Deutsche Bank e CitiBank ed obtegnì bunamain 500 milliuns francs. Sco il procuratur general George Jepsen ha detg, vegnan els a cuntinuar cun las investigaziuns per ch'era las autras bancas ston surpigliar responsabladad per lur agir.
RR novitads 11:00