Exteriur - UBS resta la pli gronda banca privata mundiala
La banca svizra UBS vala vinavant sco la pli gronda banca privata dal mund. La fin da l'onn passà ha la UBS administrà passa 1,74 billiuns dollars da clients privats ritgs. Quai mussa in studi da la firma da cussegliaziun englaisa Scorpio.
Davos la banca UBS figurescha sin plaz dus da nov la Bank of America ch’ha administrà la fin dal 2015 bun 1,45 billiuns dollars da clients. Sin plaz terz suonda Morgan Stanley, medemamain ina banca americana.
Credit Suisse sper il podest
La Credit Suisse resta vinavant sin plaz quatter malgrà ch'ella ha stuì nudar la pli ferma sminuziun procentuala da las facultads administradas.
