Siglir tar il cuntegn

Header

video
Attatga gronda sin Kiev
Or da Tagesschau dals 01.03.2022.
laschar ir. Durada: 2 minutas 59 Secundas.
cuntegn

Ucraina e Russia Ils cumbats cuntinueschan di e notg

En la chapitala da l’Ucraina Kiev ed en la metropola Charkiv (en l’ost dal pajais) hai dà explosiuns il gliendisdi la bun’ura. Quai ha communitgà il servetsch d’infurmaziuns statal ucranais. Avant saja stà pliras uras quiet a Kiev. I n’è dentant betg pussaivel da verifitgar questas infurmaziuns a moda independenta. Las infurmaziuns davart la situaziun generala a Kiev èn divergentas . Entant che las inas funtaunas pretendan che l'armada russa haja entscherclà e bloccà la chapitala, rapportan autras ch'ins saja en cumbat e defendia cun success la chapitala.

Avant ha in cussegliader dal biro dal president ucranais ditg che l’armada russa haja occupà la citad Berdyansk en il sidost dal pajais. L’armada da l’Ucraina na saja betg stada en acziun là.

Funtaunas ucranaisas sminan ch'il Belarus entria era sco partida en la guerra – quai sco partenari da la Russia.

RTR novitads 07:00

Artitgels legids il pli savens

Scrollar a sanestra Scrollar a dretga