Siglir tar il cuntegn

Header

Navigaziun

Petro Poroschenko, il president da l'Ucraina.
Legenda: Petro Poroschenko, il president da l'Ucraina. Keystone
cuntegn

Exteriur Ucraina: Fin dal dretg da guerra

Il president da l’Ucraina, Petro Poroschenko, ha annunzià la fin dal dretg da guerra en l’Ucraina. La mesemna a mezdi saja il dretg da guerra scadì, ha ditg Poroschenko en la televisiun. Il parlament aveva decis il dretg da guerra avant in mais. Quai suenter che navs da guerra russas avevan rapinà navs ucranaisas e arrestà las equipas da questas navs. Sut il dretg da guerra aveva la regenza ucranaisa dapli cumpetenzas. Ella ha per exempel scumandà ad umens russ dad entrar en l’Ucraina.

Ulteriuras sancziuns da la Russia

La Russia ha annunzià il mardi sancziuns cunter ulteriurs Ucranais. El haja suttascrit in decret en quest senn, ha communitgà il schef da la regenza, Dmitri Medwedew sin twitter. Pertutgads èn ulteriuras 200 persunas privatas ed interpresas. Ils nums sin la nova glista n’èn anc betg enconuschents. Pir il november passà aveva la Russia decis sancziuns economicas cunter passa 320 politichers ed interprendiders ucranais.

Dapi che la Russia ha annectà la peninsla da la Crim avant 4 onns, ha era l’Ucraina ordinà pliras sancziuns. Uschia na pon, per exempel, tschients da Russ betg pli ir en l’Ucraina u far affars là.

RR novitads 12:00