Siglir tar il cuntegn
Inhalt

Exteriur UE augmenta squitsch sin raits socialas

La cumissiun da l'UE vul agir pli rigurus cunter cuntegns terroristics en l'internet.

Telefonin.
Legenda: L'Uniun europeica augmenta il squitsch sin las raits socialas. Keystone

Interpresas sco Facebook e Twitter duain vegnir obligadas dad identifitgar e stizzar pli spert cuntegns terroristics. Quai ha ditg il cumissari da segirezza da las Naziuns Unidas Julian King a la gasetta «Welt». In sboz da lescha correspundent saja planisà per mez settember.

Mesiras voluntaras portan pauc

Fin ussa aveva la cumissiun da l'UE sperà sin mesiras voluntaras da las interpresas. Quellas n'hajan dentant betg purtà progress avunda. Per proteger meglier ils burgais dovria uss mesiras pli rigurusas.

In'ura peda

Il mars aveva la cumissiun da l'UE anc preschentà recumandaziuns a las interpresas co cumbatter la propaganda terroristica en la rait. Tranter auter ha Brüssel proponì da dar in'ura temp da stizzar tals cuntegns suenter che quels èn vegnids annunziads.

RR novitads 07:00