Siglir tar il cuntegn

Header

Las bandieras da la Tirchia e da l'UE.
Legenda: Dapi il 1999 è la Tirchia candidata per l'entrada en l'UE. Las tractativas duran dapi la fin dal 2005. Reuters
cuntegn

Exteriur UE crititgescha Tirchia da limitar libertads fundamentalas

La cumissiun da l’Uniun europeica crititgescha che la Tirchia na resguardia betg ils dretgs umans ed er betg ils dretgs fundamentals.

Sco la cumissiun da l’UE scriva en ses rapport annual sur da la Tirchia, saja da constatar in pegiurament cunzunt tar ils dretgs d’opiniun e da reuniun. La Tirchia vul daventar commembra da l’UE.

Trend negativ malgrà avischinaziun a l'UE

En tut saja da vesair in trend negativ tar il respect da la constituziun e dals dretgs fundamentals, scriva la cumissiun da l’UE. Visavi avanzaments da l’avischinaziun a l’UE dettia quai pass che cuntrafetschian als standards vertents, declera la cumissiun da l’UE.

Garantir dretgs da dunnas, uffants ed omosexuals

Malgà che la situaziun davart ils dretgs umans e fundamentals saja sa meglierada ils davos onns, dettia quai anc adina grondas mancanzas. Cunzunt stoppia la Tirchia garantir ils dretgs da dunnas, d’uffants e d’omosexuals. Latiers stoppia il pajais er integrar minoritads sco ils Roma en lur societad.

RR novitads 10:00

Dapli da Exteriuravrir la Landingpage

Nach links scrollen Nach rechts scrollen