Legenda:
Fin qua èn 4 bastiments, 2 aviuns e 3 helicopters en acziun cunter ils cuntrabandists.
Keystone
cuntegn
Exteriur - UE cuntinuescha il cumbat cunter cuntrabandists
L'Uniun europeica rinforza ses cumbat cunter ils cuntrabandists en la Mar Mediterrana. Tenor la gasetta «Die Welt», che sa referescha a diplomats da l'UE, duain 7 bastiments da guerra, sutmarins, dronas ed aviuns esser en acziun per quest intent.
Davent da l'october duajan ils cuntrabandists vegnir arrestads, lur bartgas vegnir confiscadas e destruidas. Uschia cumenza la segunda da 3 fasas dal cumbat da l'UE cunter ils cuntrabandists.
Suenter la mort da 700 fugitivs avev'ins en l'emprima fasa rimnà infurmaziuns detagliadas sur da las activitads dals cuntrabandists.
