Per l'emprima giada insumma vul l'Uniun europeica trametter daners directamain a fugitivs sirians en la Tirchia.
Cun 348 milliuns euros saja quai il pli grond program d'agid umanitar da l'UE da tut temp, hai gì num davart da l'UE.
En il rom dal program d'agid duain 1 milliun fugitivs zunt basegnus survegnir daners sin ina carta da credit. Cun quels duajan els pudair pajar nutriment e d’abitar.
En la Tirchia vivan radund 3 milliuns fugitivs da la Siria. Finamira dal program è era, da proveder els meglier en il lieu per ch'els na sa mettian betg sin via vers l'Europa.
