Tenor Schulz vegnia quai discutà da memia e fatg memia pauc; quai saja actualmain il grond problem da l’UE. Il persunal sco er ils meds finanzials empermess duain uss er vegnir furnids, ha pretendì Schulz.
Mez october avevan ils presidents dals stadis da l’UE decis da sa gidar cun persunal tar la protecziun e registraziun da fugitivs al cunfin da l’UE. Quai per segirar il territori da Schengen. Plinavant aveva la cumissiun da l’UE deliberà 1,8 milliardas euros per l’agid en l’Africa.
RR novitads 06:00