Siglir tar il cuntegn

Header

Angela Merkel e Werner Faymann.
Legenda: Angela Merkel, la chanzeliera tudestga, e Werner Faymann, il chanzelier austriac. Keystone
cuntegn

Exteriur UE dublescha agid finanzial per l'Africa

A l'inscunter suprem davart la crisa da fugitivs a Malta ha l'Uniun europeica concedì in fond d'agid per l'Africa da 3,6 milliardas euros.

Cun quests daners vegn l'Africa sustegnida en il cumbat cunter la povradad e la dischoccupaziun. Quellas èn 2 da las raschuns principalas per la migraziun.

La Svizra contribuescha 5 milliuns. 1,8 milliardas – pia la mesadad – ha la cumissiun da l'UE gia pajà en il fond. Il rest croda sin ils stadis commembers.

Ils participants da l'inscunter suprem han plinavant approvà in plan per cumbatter la migraziun illegala. Quel prevesa tranter auter levgiaments per burgais africans che vulan studegiar ad universitads europeicas.

Stadis africans vulan prender enavos requirents d'asil refusads

L'Uniun Europeica ha empermess als pajais africans dapli agid da svilup e dapli sustegn per retegnair ils carstgauns ch'els fugian en l'Europa. Persuenter han ils Africans empermess da prender enavos requirents d'asil refusads.

La veglia da collavurar è dada

A l'inscunter extraordinari da l'UE cun 35 stadis africans han omaduas partidas deliberà in plan d'acziun. Era la Svizra vul sa participar a quest plan. Tenor la cussegliera federala Simonetta Sommaruga saja l'inscunter in mussament ch'i dettia la veglia da collavurar.

RR novitads 12:00 / 18:00

Dapli da Exteriuravrir la Landingpage

Nach links scrollen Nach rechts scrollen