Ils stadis commembers da l'Uniun Europeica duain tut tenor dastgar far controllas da cunfin durant fin 2 onns, enstagl da mo 6 mais sco fin uss. Quai han decis ils ministers da l'intern da l'UE ad in inscunter ad Amsterdam.
La cunvegna da Schengen prevesa che singuls stadis commembers dastgan reintroducir controllas da cunfin mo sche la segirtad interna è periclitada. En vista a la crisa da fugitivs han 6 stadis da l'UE puspè introducì controllas da cunfin - tranter auters la Germania e l'Austria.
RR novitads 07:00