Exteriur - UE fa segirada cunter las refurmas da leschas en Pologna
Pervi da refurmas dispitaivlas en la Pologna introducescha la cumissiun da l'UE ina procedura per examinar ils privels pussaivels per il stadi da dretg. Quai ha ditg il schef da la cumissiun Jean-Claude Juncker.
Il schef da la cumissiun da l'UE, Jean-Claude Juncker, ha confermà il plan per ina tala procedura. La decisiun na fa betg surstar. Dus cumissaris da l'UE eran gia s'exprimids pli baud a moda critica davart la refurma da la dretgira constituziunala sco era davart la nova lescha da medias en la Pologna.
Ils 13 da schaner debattescha la cumissiun da l'UE davart la Pologna.
