L'Uniun europeica (UE) suppona che 4 bancas hajan fatg cunvegnas illegalas en las fatschentas cun emprests en dollars. Dal 2009 fin il 2015 duain ellas repetidamain avair barattà infurmaziuns sensiblas, ed uschia manipulà ils pretschs, communitgescha la cumissiun da l'UE. Ils contacts dispitaivels sajan succedids via chats online.
L'UE na tradescha betg ils nums da las bancas. La Credit Suisse e la banca gronda franzosa Credit Agricole han però confermà ch'ellas sajan pertutgadas da las investigaziuns. La Deutsche Bank sco pli grond commerziant d'emprests dal mund quinta cun ina multa. Ins haja collavurà cun l'UE proactivamain, uschia che l'UE conceda immunitad a la banca. Dapli n'ha la Deutscha Bank vetg vulì commentar.
Teoreticamain smanatschan multas da fin 10% dad ina svieuta mundiala annuala. L'UE po mitigar ubain remetter in chasti, sche pertutgads denunzian sasezs.
RR novitads 09:00