Pertutgads èn quasi 30% da tut quels e quellas sut 18 onns. Er en la gruppa da vegliadetgna tranter 20 e 24 onns hajan blers mo pitschnas schanzas per l'avegnir, damai ch'els hajan chattà ni scolaziun ni lavur.
Sulet en ils pajais sideuropeans Spagna, Grezia, Portugal ed Italia,ch'èn pertutgads zunt ferm, datti 7,6 milliuns giuvenils ch'èn periclitads da povradad. Quest dumber è s'augmentà dapi ils 2007 per 1,2 milliuns pertutgads. Quests uffants vivan en chasadas che han strusch intradas e patteschan era da grevs manglaments materials.
Avertiment da las consequenzas
La fundaziun «Social Justice Index» che fa mintg'onn quest studi avertescha da las consequenzas. L'UE ed ils pajais commembers stoppian far sforzs extraordinaris per meglierar las schanzas dals carstgauns giuvens ha ditg il mainagestiun da la fundaziun, Aart De Geus.
Nus na pudain prestar ni economicamain ni socialmain ina generaziun persa en l'Europa.
Ils pajais cun la pli pitschna cumpart da povradad d'uffants èn ils pajais scandinavics, la Svezia, il Danemarc e la Finlanda. Uschia datti en l'UE ina divergenza pli e pli gronda tranter nord e sid.
RR novitads 10:00