L’Uniun europeica ha decis novas limitas per las emissiuns da CO2 dad autos.
Ils 28 stadis commembers han confermà in reglament, ch’il parlament da l’UE aveva gia approvà. Las emissiuns dad autos novs duain sa sbassar en media per bundant 37% fin il 2030 – quai cumpareglià cun las valurs dal 2021.
Las emissiuns dals vehichels da niz levs duain sa sbassar per 31%. Las finamiras pon be vegnir cuntanschidas, sch’ils produciders vendan era autos electrics – sper autos da benzin e da diesel.
RR novitads 16:00