Siglir tar il cuntegn

Header

cuntegn

Exteriur UE prolunghescha sancziuns cunter Russia

L'Uniun europeica prolunghescha sias sancziuns cunter la Russia enfin la fin da schaner 2016. Quai han ils ministers da l'exteriur da l'UE decidì a Luxemburg.

I saja mo pussaivel da schluccar las sancziuns, sche la cunvegna da Minsk per l'Ucraina da l’ost vegnia realisada dal tut, uschia ils ministers.

Cun las sancziuns vul l’UE metter sut squitsch il president russ Putin. El duai nizzegiar si’influenza sin ils separatists sustegnids da la Russia en l’Ucraina da l’ost per ina fin dal conflict.

Tenor il president russ Wladimir Putin na saja quai betg constructiv da prolungar questas sancziuns. Putin ha punctuà ch'era la Russia vegnia uschia a prolungar sias sancziuns cunter l'UE.

RR novitads 15:00

Artitgels legids il pli savens