Siglir tar il cuntegn

Exteriur UE sa cunvegn a reglas per barat da datas

Ils ministers da finanzas da l'Uniun Europeica han sclerì las ultimas differenzas per il barat automatic d'infurmaziuns da taglia sur cunfins.

Pierre Gramegna che sa legra
Legenda: Il minister da finanzas dal Luxemburg, Pierre Gramegna, è cuntent che la fatschenta è rugalada tranter ils ministers da finanzas da l'UE. Reuters

Grazia a dapli transparenza duai vegnir impedì che concerns gronds possian surduvrar en l'avegnir rusnas tar il dretg da taglia. Decisiuns preliminaras vegnan ussa barattadas tranter ils stadis commembers.

Aifer fitg curt temp avain chattà in consens tranter ils stadis commembers.
Autur: Pierre GramegnaMinister da finanzas dal Luxemburg

Il culp inizial per il nov barat automatic d'infurmaziuns aveva dà l'affera «LuxLeaks». Là era vegnì enconuschent che concerns cun sedia en il Luxemburg pajan strusch taglia. Perquai era il Luxemburg interessà fitg da rugalar la fatschenta fin la fin da l'onn.

RR novitads 18:00