Siglir tar il cuntegn

Exteriur UE sustegna cun ses consum runcadas illegalas en las tropas

Il consum en l'Europa è ina da las pli impurtantas raschuns per las runcadas illegalas en las tropas. Quest resultat mussa in studi d'ina organisaziun d'ambient da la Belgia.

Bists nodan en in flum, um cun mitraglia chamina sin bist.
Legenda: Runcada illegala promova la corrupziun. Keystone

Tenor il studi ha l'Uniun europeica importà l'onn 2012 products en la valita stimada da 6 milliardas euros che derivan da terren runcà illegalmain. I sa tracta da products sco soja, charn-bov, tgirom ed ieli da palma. Per survegnir il terren hajan ins runcà ils davos onns mintga duas minutas ina surfatscha da la grondezza d'ina plazza da ballape.

Pli gronda part deriva da l’America dal sid

La pli gronda part dals products runcads illegalmain vegnian da la Brasilia, suandà da l’Indonesia. Suenter vegnan il Paraguay, l’Argentina e l’Uruguay.

Il consum da l’UE na destrueschia betg mo l’ambient mabain contribueschia era a la midada dal clima negativ ha declerà in dals auturs dal studi. Damai che la runcada saja illegala promovia quai er la corrupziun en quellas terras.

RR novitads 8:00