Siglir tar il cuntegn
cuntegn

Exteriur UE vul cumbatter cuntrabandists

L'Uniun Europeica cumenza si'intervenziun militara cunter ils cuntrabandists en la Mar Mediterrana. Ils ministers da l'exteriur da la UE han dà glisch verda per l'emprima fasa da l'intervenziun.

Fugitivs sin ina bartga.
Legenda: Blers fugitivs èn oriunds da la Libia. Keystone

Cun questas mesiras militaras vul la UE surtut cumbatter ils cuntrabandists che transportan fugitivs davent da la Libia en direcziun da l'Europa.

L’intervenziun che duai cumenzar en paucs dis prevesa da rimnar infurmaziuns detagliadas sur da las activitads dals cuntrabandists cun agid da bastiments, aviuns e dronas. Silsuenter èsi prevesì da confiscar e destruir las bartgas dals cuntrabandists. Per extender las acziuns en auas territorialas da la Libia duvrass la UE dentant in mandat dal Cussegl da segirezza da la ONU.

RR novitads 12:00