La cumissiun da fugitivs da l’Uniun Europeica vul reparter pli gist ils fugitivs sin l’Europa ed introducir quotas. Uschia possian ils fugitivs vegnir repartids tenor ina clav sin tut ils 28 stadis da l’UE, quai statti scrit en il sboz per l’agenda d’immigraziun.
La basa per reparter ils fugitivs duain esser criteris da la prestaziun economica, il dumber da dischoccupads, sco era il dumber da requirents d’asil gia prendids si.
Las quotas èn fitg dispitaivlas en l’Europa. Surtut la Gronda Britannia ed ils pajais da l’ost èn encunter las quotas.
