Cun ina uschè numnada task-force vulan l'Austria, la Germania, l'Ungaria, la Frantscha e la Belgia pudair reagir pli spert tar undas da migraziun or dal Balcan. Quai ha ditg la ministra da l'intern austriaca, Johanna Mikl-Leitner, avant l'inscunter dals ministers da l’intern da l’UE a Brüssel.
En il focus da l'inscunter stattan las dumondas d'asil creschentas dal Cosovo. Ordvart pertutgads da quell'unda èn la Germania e l'Ungaria. Blers Cosovars bandunan lur patria pervi da motivs economics.
RR Novitads 16:00