Siglir tar il cuntegn
cuntegn

Exteriur UE vul sbassar CO2 per 35%

Ils stadis da l'Uniun Europeica vulan sbassar las emissiuns da CO2 dad autos novs per 35% fin l'onn 2030 cumpareglià cun l'onn 2020. Questa posiziun communabla hajan ils ministers d'ambient da l'UE decidì, communitgescha il presidi austriac dal cussegl da l'UE.

Purtret d'in sbuf dad in auto.
Legenda: Tar autos novs duain las emissiuns da CO2 vegnir reducidas fermamain. Keystone

Las novas limitas da CO2 tar autos novs èn in cumpromiss. La cumissiun da l'UE, la Germania ed era l'industria d'autos tudestga han vulì reducir ils standards da dioxid carbonic mo per 30%. Blers auters stadis, tranter auter l'Irlanda, la Svezia ed il Danemarc, han dentant pretendì ina reducziun da CO" da 40% e dapli.

Schliaziun da cumpromiss

L'Austria ch'ha il mument il presidi da l'UE, ha lura fatg la proposta d'in cumpromiss e definì la reducziun sin 35%. La finala han 20 da 28 stadis sustegnì quest cumpromiss. Per realisar la nova regla sto il parlament da l'UE dentant era anc approvar quel.

RR novitads 06:00