Ina cumissiun da l'Uniun Europeica vul scumandar vaschella e pusada da diever unic sco er stromins e bastunets da vatta or da plastic. Quai per proteger l'ambient e la mar. La cumissiun ha preschentà il glindesdi ses plans. Tar quests plans tutga er che auters artitgels da plastic che vegnan bittads davent svaneschan dal martgà e ch'ils producents ston pajar per donns da l'ambient.
La cumissiun spera da pudair reducir las emissiuns da dioxid carbonic per 3,4 milliuns tonnas cun questas mesiras. Uschia pudessan ils custs per donns da l'ambient vegnir reducids fin il 2030 per 22 milliardas euros. Consuments pudessan spargnar enfin 6,5 milliuns euros.
La directiva preschentada da la cumissiun è sulettamain ina proposta. Quella sto uss vegnir contractada cun ils pajas commembers ed il parlament da la UE. La realisaziun pudess durar onns.
RR novitads 14:00