300 milliuns duain gia vegnir impundids quest onn. Ils dus onns vegnents lura mintgamai 200 milliuns.
Ils pajais commembers da l'UE ed il parlament europeic ston anc approvar quests plans. Igl è l'emprima giada ch'i vegn concludì a Brüssel in fond d'agid d'urgenza per surmuntar ina crisa umanitara entaifer l'Europa.
Probabel profitescha cunzunt la Grezia
Tenor indicaziuns da l'ONU èn plirs 10'000 fugitivs bloccads en la Grezia. Motiv è che pliras terras lung la ruta dal Balkan sco la Mazedonia ni l'Austria laschan passar mo pli in cert dumber da fugitivs per di.
RR novitads 14:00
