Ulteriur inscunter tranter l'UE e la Tirchia davart ils fugitivs

Quest inscunter extraordinari è planisà per il mars, sco il president dal cussegl da l'Uniun europeica, Donald Tusk, ha communitgà a Brüssel.

Bandieras da l'UE e la Tirchia. Bild in Lightbox öffnen.

Legenda da maletgs: L'UE e la Tirchia s'inscuntran il mars davart la crisa da fugitivs en l'Europa. Keystone

En la crisa da fugitivs vul l'Uniun europeica in nov inscunter extraordinari cun la Tirchia l'entschatta mars. Quai ha annunzià il president dal cussegl da l'UE, Donald Tusk, suenter l'inscunter suprem da questa notg a Brüssel.

Il plan d'acziun che saja vegnì concludì il december passà ensemen cun la Tirchia restia ina da las prioritads per l'Uniun europeica, uschia Tusk. Ensemen cun il president da la cumissiun da l'UE, Jean-Claude Juncker, ha el pretendì da chattar schliaziuns europeicas en la crisa da fugitivs.

Quest plan d’acziun prevesa tranter auter che l'Uniun europeica metta a disposiziun 3 milliardas euros per meglierar il provediment dals fugitivs sirians en la Tirchia.

RR novitads 06:00