Siglir tar il cuntegn
Inhalt

Exteriur Ulteriur reactur nuclear en Giapun è reactivà

Il reactur 3 da l'ovra nucleara Ikata en il vest dal pajais saja puspè en funcziun, ha communitgà il gestiunari Shikoku Electric Power. Pervi da resistenza da la populaziun locala era quel vegnì tschentà giu per stgars in onn. Il mument èn uschia otg ovras nuclearas puspè vid la rait.

reactur 3 da l’ovra nucleara - Ikata - en il vest dal pajais.
Legenda: Il reactur 3 da l’ovra nucleara Ikata en il vest dal pajais. Keystone

Sin territori giapunais ch'è periclità da terratrembels e vulcans stattan la gronda maioritad da las ovras nuclearas però vinavant airi. Suenter la catastrofa da Fukushima dad avant set onns aveva la regenza serrà giu tut ils reacturs dal pajais e rendì pli severas las mesiras da segirezza. Da lezzas uras eran en tut 54 reacturs vid la rait.

RR novitads 15:00