Sco quai ch’ils survivents han ditg, sajan 137 persunas stadas en la bartga da gumma cura che quella haja pers l’aria u saja explodida. Tge ch’è capità exact, n'è anc betg enconuschent.
En la Mar mediterrana hai dà pliras disgrazias da fugitivs las ultimas emnas. Pliras persunas èn najadas. Sulettamain glindesdi ha la marina taliana transportà dapli che 1’000 fugitivs a la costa da l’Italia dal sid. In bastiment cun radund 500 persunas vegn anc spetgà en il port da Palermo, scriva la guardia da la costa taliana.
RR novitads 16:00