Facebook ha scuvert in'ulteriura panna da datas. Ils ultims 3 onns ha la rait da medias socialas chargià senza permis las datas da contact da fin 1,5 milliuns utilisaders novs. Il sbagl saja vegnì chattà il mais passà, suenter ch'ins ha midà la procedura d'annunzia, conferma facebook. Las datas na sajan betg vegnidas partgidas cun insatgi e sajan entant vegnidas stizzadas.
Ils ultims onns ha facebook gì da sbatter cun diversas pannas aifer la protecziun da datas.
RR novitads 14:00
