Siglir tar il cuntegn
cuntegn

Exteriur Ulteriura panna tar facebook

Facebook ha dà tiers in'ulteriura panna da datas. Envers medias americanas ha la rait sociala concedì che novitads privatas da numerus utilisaders han pudì vegnir guardadas publicamain.

logo da facebook
Legenda: La nova panna na vegn betg d'engrà a la plattafurma sociala. Keystone

Uschia ha l'entira communitad da facebook pudì guardar cuntegns ch'eran patratgads sulet per amis u gruppas pitschnas. Il sbagl saja capità tranter ils 18 e 27 da matg ed haja pertutgà radund 14 milliuns utilisaders. Uschia rapportan ils portals da tecnologia Recode e Techcrunch. Durant quels dis saja vegni midà enturn automaticamain las configuraziuns e senza ch'ils utilisaders sajan vegnids orientads. Facebook ha communitgà ch'il sbagl saja curregi e ch'els sa perstgisian.

RR novitads 23:00