Siglir tar il cuntegn

Header

Donald Trump.
Legenda: In'ulteriura schleppa per Donald Trump en la politica da migraziun. Keystone
cuntegn

Exteriur Ulteriura schleppa per Trump davant dretgira

La regenza dals Stadis Unids na dastga betg abolir il status da protecziun per giuvenils ch'èn d'uffants immigrads illegalmain en l'USA. Quai ha in derschader decidì.

In derschader ha bloccà la decisiun dal president Donald Trump da dismetter la protecziun per giuvenils ch'èn d'uffants immigrads illegalmain en ils Stadis Unids. Enfin ch'ins na schlià betg la dispita giuridica stoppia er il program da protecziun «Dreamer» puspè vegnir mess en vigur.

La decisiun dal derschader vala l’emprim ad interim. Quai resulta da la sentenzia publitgada a San Francisco.

7000'000 giuvenils na vegnan betg explusads

I sa tracta d'in program che dat als pertutgads in status da protecziun provisoric ch'ils protegia d'ina expulsiun. Cun quel status dastgan els visitar la scola u lavurar. Il decret protegia bunamain 700'000 giuvenils d'in'expulsiun.

Il settember aveva Trump declerà il program sco betg valaivel. La decisiun da Trump era vegnida crititgada fermamain. Uschia avevan 10 stadis contestà la decisiun giudizialmain e blers gronds concerns exprimì critica vehementa.

RR novitads 08:00

Artitgels legids il pli savens