Ulteriurs 1200 policists suspendids en Tirchia

Tenor il ministeri da l'intern saja quai ina consequenza cn connex cun las investigaziun da l'emprova da putsch dal fanadur.

Purtret d'ina colona da policists tircs che fan parada. Bild in Lightbox öffnen.

Legenda da maletgs: Puspè èn policists tircs vegnids suspendads en la Tirchia. Keystone

Suenter quest'emprova ha il president Recep Tayyip Erdogan annunzià purificaziuns massivas en l'administraziun. Dapi il fanadur èn passa 110'000 emploiads, derschaders, procuraturs publics, policists u schuldads vegnids arrestads u suspendids pervi da colliaziuns supponidas cun la rait dal predicatur Fethullah Gülen. Erdogan fa responsabel Gülen per il putsch.

Suenter il putsch aveva la regenza proclamà il stadi d'urgenza. Quel cuzza anc fin mez schaner e dat blera pussanza al president ed a la regeneza. Tranter auter pon els serrar medias, en cas che quels pericliteschan la segirezza naziunala. Activists per ils dretgs umans crititgeschan che la regenza fetschia maldiever dal stadi d'urgenza per cumbatter l'opposiziun.

RR novitads 15:00