Siglir tar il cuntegn
cuntegn

Exteriur Ultim di dals G7

En Germania cuntinuescha l'inscunter suprem G7 cun discussiuns davart la midada da clima. Ils 7 gronds stadis d'industria tschertgan ina posiziun communabla en questa chaussa.

Ils representants dals G7 enturn ina maisa radunda.
Legenda: Il gremi G7: la Germania, ils Stadis Unids, la Frantscha, la Gronda Britannia, l'Italia, il Canada ed il Giapun. Keystone

In dals temas principals dal segund e davos di da l'inscunter è la midada dal clima. Plinavant sin il program stattan il cumbat cunter il terrorissem, l’agid als pajais en svilup e la protecziun da la sanadad.

Ucraina è tema central

La dumengia avevan ils schefs dals stadis discutà dumondas da la politica da l’exteriur. En il center da questa discussiun era cunzunt la crisa en l’Ucraina e la rolla da la Russia en questa chaussa.

Russia na dastga betg far part

Tenor la chanceliera tudestga Angela Merkel sajan ils stadis dals G7 d’accord che la Russia n’adempleschia il mument betg las valurs communablas. Uschia na possia la Russia era betg returnar en il circul dals participants.

RR novitads 12:00