Siglir tar il cuntegn

Header

cuntegn

Di da decisiun La Germania elegia oz in nov parlament

La Germania elegia oz in nov parlament ed il successur u la successura da la chanceliera Angela Merkel che sa retira suenter 16 onns en uffizi. Ils locals electorals èn avertse quai fin las 18:00 uras. Lura vegn quintà cun emprimas prognosas.

Gievgia saira hai dà in’ultima debatta

Curt avant las elecziuns parlamentaras en Germania hai dà gievgia saira in’ultima debatta da televisiun tranter ils topcandidats da las partidas. La retschertga latiers mussa la fermezza da las partidas trais dis avant l'elecziun da dumengia: A l'Union (CDU e CSU) èsi gartegià da reducir levet ses retard sin la SPD. Lezza resta dentant la pli ferma partida, tenor questa retschertga.

Olaf Scholz vinavant favurit

Tar ils candidats per l’uffizi da chancelier maina vinavant Olaf Scholz da la SPD cun 47%. Armin Laschet da la CDU vegn sin 20% ed Annalena Baerbock dals Verds sin 16%. La Germania elegia dumengia la successura u il successur da la chanceliera Angela Merkel ch’è dapi 16 onns en uffizi.

video
Tgi ha pudì persvader gievgia saira?
Or da 10 vor 10 dals 23.09.2021.
laschar ir. Durada: 7 minutas 21 Secundas.

Tgi eleger?

Tenor ina retschertga da l'institut Allensbach en Germania na san 40% da las votantas e dals votants en Germania anc betg – tge partida ch'els vulan eleger la dumengia ils 26 da settember.

audio
40%
ord La cifra dals 23.09.2021. Maletg: Keystone
laschar ir. Durada: 3 minutas 29 Secundas.

RTR novitads 10:00

Artitgels legids il pli savens