Siglir tar il cuntegn

Exteriur Um sto sa responsar per sia lavur ad Auschwitz

70 onns suenter la fin da la segunda guerra mundiala n'è l'elavuraziun giuridica dals crims dals Nazis anc betg terminada.

Il champ da destrucziun Auschwitz Birkenau cun in zic naiv per terra ed ina saiv da fildarom cun spinas.
Legenda: Il champ da destrucziun Auschwitz Birkenau. Reuters

In um da 94 onns sto sa responsar avant dretgira pervi da sia funcziun sco sanitari da la SS en il champ da destrucziun Auschwitz Birkenau.

La procura publica da Schwerin ha purtà plant. Ella quinta che l'um saja abel per la procedura, malgrà sia auta vegliadetgna. Ad el vegn rinfatschà assistenza a l'assassinat en prest 3’700 cas. Decisiv saja che l'um haja savì dal caracter dad Auschwitz Birkenau sco champ da destrucziun e ch'el haja contribuì cun sias activitads ch'il champ funcziuni.

RR novitads 18:00