Germania: Per l'emprima giada dapi ch'i vegn mesirà l'aura han ins registrà en Germania temperaturas da 42 grads. A Lingen han ils termometers inditgà 42,0 grads, ha ditg in pledader dal servetsch da l'aura tudestg.
Ollanda: En l'Ollanda han ins registrà per l'emprima giada temperaturas sur 40 grads. L'institut meteorologic roial ha communitgà via twitter, ch'i haja dà a Gilze-Rijen 40,4 grads. Il record fin uss era da l'avust 1944 cun 38,6 grads.
Luxemburg: Anc mai èsi stà uschè chaud en Luxemburg sco oz. Il termometer ha rut la marca da 38 grads. Curt avant las trais èsi vegnì mesirà 38,3 grads. Fin uss muntava il record dal 2003 a 37,9 grads.
Belgia: Er en Belgia n'èsi dapi il 1833 anc mai stà uschè chaud sco oz. Lura han ins cumenzà a mesirar sistematicamain la temperatura. Tenor il schef meteorolog David Dehenauw han ins mesirà ier a la plazza aviatica Kleine-Brogel a Flandern 38,9 grads, 0,1 grads pli chaud che l'onn passà.
RR novitads 17:00