«Mes patratgs èn tar ils confamigliars da questas persunas ch'èn mortas a Québec durant l'unda da chalira» ha scrit il primminister canadais Justin Trudeau sin Twitter. El ha avertì che las temperaturas da record pudessan restar anc pli ditg.
Tenor il servetsch da l'aura eran las temperaturas ils ultims dis sin 34°, en vista a l'auta umiditad en l'aria vegn quai dentant plitost resentì sco 40°. La regenza aveva avertì da la chalira.
Gia l'onn 2010 eran da quai da 100 persunas mortas pervi da la chalira en il conturn da Montreal.
RR novitads 06:00