Tranter auter prevesa il pachet ch'ina entrada illegala en il pajais po vegnir chastiada cun fin 3 onns praschun. Vitiers po l'armada vegnir en acziun al cunfin.
L’Ungaria è il mument confruntada cun ina fulla maidudida da fugitivs che van da la Grezia tras il Balcan dal vest e viagian lura vinavant da la Serbia sur ils cunfins. Da l’Ungaria emprovan ils fugitivs da vegnir en Germania u en auters stadis en l’Europa dal vest.
Al cunfin cun la Serbia ha Orban entant laschà eriger ina saiv da filfier cun spinas. Tgi che surmunta quella sto quintar en il futur cun fin a trais onns praschun.
RR novitads 17:00